| Gazeta JEHONA |
 | |  | |  | |  | |  |
 |
| |
 |
| |
 |
| |
 |
| |
 |
| |
 |
| |
 |
| |
 |
| |
 |
| SHËNDETI Mbi Të Gjitha |
Të ngrënët është një nga aktivitetet që na jep më shumë kënaqësi dhe, edhe Perëndia synonte që të ishte i tillë. Krijimi i tij është plot me një varietet të mrekullueshëm ushqimesh të shijshme, të ushqyeshme dhe të shëndetshme. Megjithatë, po ato dëshira për të ngrënë që i shtojnë jetës kënaqësi, po të keqpërdoren, mund të na sëmurin. Benjamin Franklin, një burrë shteti dhe patriot i hershëm amerikan, vërente se “ne duhet të hamë për të jetuar dhe jo të jetojmë për të ngrënë”. Nga të gjitha praktikat dhe zakonet e shëndetit, dieta është fusha ku mund ta ndihmojmë vetveten më shumë. Praktikat dietetike jo të përshtatshme shkaktojnë probleme me peshën. Mbipesha favorizon kushtet e rënda shëndetsore. “Njerëzit që janë 30% mbi peshë kanë një rrezik 70% më të lartë ndaj sëmundjeve koronare të zemrës, sesa ata me peshë normale” (The Wellness Encyclopedia, f. 23). Njerëzit mbi peshë janë gjithashtu më të prirur për të vuajtur nga hipertensioni. Rregullat dietetike në ligjin e Perëndisë ishin ndoshta një faktor për jetëgjatësinë. Në kohën e mbretit David duket se të rriturit arrinin moshën 70 vjeçare (Psalmi 90:10). Shumë të tjerë jetonin edhe më gjatë. Në kohët moderne, deri në vitin1955, jetëgjatësia nuk i arrinte të shtatëdhjetat. Bibla jep gjithashtu lista të detajuara të atyre kafshëve, zogjve dhe peshqve që nuk janë të përshtatshëm për t`u konsumuar nga njerëzit (Levetiku 11:1-30; Ligji i Përtërirë 14:3-20). Perëndia nuk përmend se përse këto krijesa nuk duhet të hahen, por studimet kanë treguar se ka lidhje midis problemeve të ndryshme shëndetësore dhe konsumimit të disa prej këtyre ushqimeve të ndaluara. Fjala e Perëndisë flet gjithashtu për rendësinë e ushqimit shpirtëror. Ashtu sikurse trupi ka nëvojë për ushqim të mirë, edhe mendja ka nëvojë për një ushqim cilësor. Bibla përdor disa herë fjalët "qumësht" dhe "ushqim" për të përshkruar fjalën e Zotit. Jezus Krishti tha: "Njeriu nuk rron vetëm me bukë, por me çdo fjalë që del nga goja e Perëndisë". (Mat 4:4) Që në kohët e lashtë Jobi e kishte kuptuar të vërtetën e kësaj fjale. Ai tha: 'Përfitova më shumë nga fjalët që kanë dal nga goja e Perëndisë sesa nga racioni im i ushqimit'. Fatkeqësisht njerëzit sot po kushtojnë pak rëndësi se me çfarë po e ushqejnë shpirtin. Duket sikur Apostulli Pal fliste për ditët e sotme kur tha: "Perëndia e tyre është barku dhe lavdia e tyre është në turp të tyre; ata mendojnë vetëm për gjerat tokësore" (Filip 3: 19). Bejmë mirë të dëgjojmë paralajmërimin e tij: "Gjellët janë për barkun dhe barku për gjellët; por Perëndia do të shkatërrojë edhe këtë edhe atë" (1 Kor 6:13). Krishti na këshilloi: "Mos punoni për ushqimin që prishet por për ushqimin që mbetet për jetë të përjetshme" (Gjoni 6:27). Lidhur me ushqimin frymëror, i dërguari i Perëndisë shtoi: "Buka e Perëndisë është ai që zbret nga qielli dhe i jep jetë botës". Cili është ai? Jezusi tha: "Unë jam buka e jetës; kush vjen tek unë nuk do të ketë më kurrë uri dhe kush beson në mua, nuk do të ketë më kurrë etje" (v33,35). Dhe Isaia, ai profeti i Perëndise, iu drejtuar njerëzve gati 3000 vjet më parë: "O ju të gjithë që keni etje, ejani tek ujërat, dhe ju që nuk keni para ejani, blini dhe hani! Ejani blini pa para dhe pa paguar verë dhe qumësht! Pse shpenzoni para për atë që nuk është bukë dhe pse mundoheni për atë që nuk të ngop? Dëgjomeni me kujdes dhe do të hani atë që është e mirë, dhe shpirti juaj do të shijojë ushqime të shijshme" (Isaia kapitulli 55). Jehona e zerit të tij dëgjohet edhe sot. |
________________________
| "Të hamë për të jetuar dhe jo të jetojmë për të ngrënë" |
________________________