| Gazeta JEHONA |
||||
| Vitrinë Libri Vitrinë Libri Vitrinë Libri Botohet në gjuhën shqipe, nga shtëpia botuese Shigjeta, një nga librat më në zë përsa i përket historisë së Pashkës. Titulli i librit vjen nga historia e varrimit dhe e ringjalljes së Krishtit. Pasi e varrosën trupin e Jezuit në një varr-shpellë, i rrokullisën në hyrjen e varrit një gur të madh për ta mbyllur. Disa roje romake u caktuan për ta ruajtur varrin. Në ditën e tretë varri ishte hapur dhe bosh. Shtrohet pyetja: Ku shkoi trupi? Kush e lëvizi gurin? Autori i librit ishte një jurist anglez i respektuar, Frank Morrison, i cili filloi hetimet me qëllim që të përgënjeshtronte të dhënat për ringjalljen e Krishtit. Franku kishte ndërmend të shkruante një raport për ditët e fundit të Jezuit. Ai mendoi se një paraqitje e logjikshme e jetës së Jezuit do ta zhvlerësonte ringjalljen krejtësisht. Por, kur hyri në analizën e fakteve, me gjithë shkollimin që kishte si jurist, iu desh ta ndryshonte mendimin. Më në fund, shkroi librin që u bë best-seller (më i shituri) “Kush e lëvizi gurin?”. Kapitulli i parë titullohet: “Libri që refuzoi të shkruhej”, ndërsa në kapitujt e tjerë flitet vendosmërisht për të dhënat e ringjalljes së Krishtit. |
||||
| “Kush e lëvizi gurin?” |