| Gazeta JEHONA |
||||
Krishterimi është feja më e vjetër në Shqipëri. Rrenojat e kishave në mbarë vendin dëshmojnë qartë për nje gjë të tillë. Por sa e vjetër është feja e krishterë në vendin tonë? Është e qartë se themelet e krishterimit në Shqipëri janë hedhur nga vet apostujt e Jezus Krishtit. Besimi në Krishtin është predikuar për herë të parë në Evropë nga shën Pali, i cili predikoi “gjer ne Illiri” sipas Dhiatës së Re. Egzistenca e rrugës romake ‘via egnatia’ që kalonte përmes Shqipërisë, të bind që predikuesit e parë të krishterë duhet të kene përhapur lajmin e tyre në brendësi të Shqipërisë ndërsa udhëtonin në drejtim të Romës. Historiani Farlati shkruan për kishën e Durrësit se ajo është më e lashta në Shqipëri, dhe se u themelua prej apostullit Pal ndërsa ai po predikonte në Ilir dhe në Epir. Thuhet se në vitin 59 të shekullit e parë, kishte 58 familje të krishtere në Durrës. Francezi Lavardin, historian i Skëndërbeut, duke shkruar në vitin 1576 për antikitetet e Dukagjinit në malësitë e Shqipërisë, tha: “Në pjesën e brendshme të kësaj krahinë shihen disa shënime apo dëshmi prej të cilave është e dukshme se Shën Pali Apostulli i predikoi popullit Ligjin e Birit të Perëndisë.” Është plotësisht e mundur që Pali të ketë vizituar edhe Shqipërinë e Jugut. Duke i shkruar Titit, Pali thotë: “Shpejto të vish tek unë në Nikopol, sepse atje vendosa të dimëroj”. Ndonëse në atë kohë, kishte disa qytete me emrin “Nikopol”, ka arsye të forta për të besuar që Pali po bënte fjalë për Nikopolin e Epirit. Ky ishte një qytet kryesor i Epirit, i lidhur me rrugën Egnatia edhe me Durrësin me një rrugë që kalonte përmes Butrintit. Ndërkohë qendrimi në Shqipëri të Titit, bashkëpuntorë i Palit, nuk dyshohet aspak. Gjatë burgimit në Romë, Pali shkruan se Titi kishte shkuar në Dalmaci, një krahinë e Ilirikut. Ka dëshmi edhe për predikimin e apostullit Andrea në afërsi të Shqipërisë, pasi shën Gregori i Nazianizit në vitin 380 pas Krishtit, e lidh emrin e tij me Epirin. Duke konsideruar se sa e hershme është krishterimi në Shqipëri, na lind një keqardhje që pushtimet e mëvonëshme si dhe lufta ideologjike ka penguar lulezimin e besimit në Birin e Perëndisë. Më të vërtetë, sot është një ditë e bardhë për popullin shqiptar sepse na ka ardhur koha të rizgjojmë besimin ndaj Shpëtimtarit të kombëve. «Si do të shpëtojmë ne, nëqoftëse e lëmë pas dore një shpëtim kaq të madh?» Bibla. |
||||
| Krishterimi Feja Shqiptare |