| Gazeta JEHONA |
Biografia Kirsty Balfour (lindur më 21 Shkurt 1984 në Edinburg, Skoci) është një notare skoceze në stilin pashë. Ajo fitoi medaljen e artë në stilin pashë në 200 metra në Kampionatin Evropian më 2006-ën dhe mori të argjendën në të njëjtën garë në Kampionatin Botëror më 2007-ën. Në Lojrat Olimpike në Beijing ajo do të konkurojë në 100 dhe 200 metra në stilin pashë. Kirsty Balfour – Medaliste e Artë Skotceze Kirsty u bë besimtarë në një moshë të vogël, pasi u rrit duke shkuar në kishë çdo të dielë. “Mendoj se isha shtatë vjeç kur ia dhashë jetën Jezusit’, kujton ajo. Megjithatë, ajo filloi të mendonte më seriozisht për atë që besonte vetëm pak vite më parë. ‘Arrita në atë pikë ku duhej përsëri të mendoja mirë çdo gjë që besoja dhe tani kam bërë një përkushtim të vendosur për të ndjekur Jezus Krishtin. Në vitet e fundit marrëdhënia ime me Jezusin është bërë më e fortë dhe ndihem më afër me Perëndinë’. “Unë lutem para garave dhe kur jam në ujë’, zbulon ajo. ‘Një nga vargjet e mia të parapëlqyer në Bibël ka qenë: ‘Unë mund të bëj çdo gjë me anë të Krishtit që më jep forcë’*. Është një varg shumë i thjeshtë, por kur stërvitem ose jam në garë, duke u ndierë sikur do të vdesë, e di që Perëndia është me mua në ujë dhe do të më mbështesë”. Si notare në stilin pashë, Peni Heins e Afrikës së Jugut, është një prej heronjve të saj: “Njëherë lexova një citim shumë të bukur nga Peni. ‘Noti ka qenë në një farë mënyre ‘klasa’ ime ku Perëndia më mëson kaq shumë për aftësinë e tij dhe besim në të. Më pëlqen ndjesia e kënaqësisë që marr kur kam bërë stërvitje ose garë dhe e di që ia dhashë atij gjithë qenien dhe zemrën time në çdo çast që notoja. Është adhurimi më i mirë që mund t’i ofroj atij’. Këto janë fjalë shumë të mëdha. Është e vështirë ta bësh këtë kur je me të vërtetë e lodhur. Në një sesion stërvitjeje plot mundim duhet t’ia kushtoj atë gjithashtu Perëndisë.” Arritja më e madhe e karrierës së saj ishin Lojrat Olimpike në Athinë: “Ishte diçka e mahnitshme. Ishte shumë bukur vetëm të ishe atje. Isha shumë mirënjohëse që kisha rastin të shkoja dhe të përfaqësoja Britaninë në një ngjarje të tillë. U përpoqa ta vlerësoja atë, të shijoja përvojën dhe të mos shqetësohesha shumë për shfaqjen time. Nga Athina kam veç kujtime të bukura. Bëra më të mirën që mundesha. Ishte fantastike të ishe pjesë e finaleve në Lojrat Olimpike”. Në Lojrat Olimpike në Beijing ajo do të konkurojë në 100 dhe 200 metra në notë. Sourse: CIS *Filipianëve 4:13 |
| Kirsty Balfour – Medaliste e Artë Skotceze |