Gazeta
JEHONA
Filmi Kodi
i Da Vinçit
Një film që fyen rëndë besimtarët
si dhe i lë të pakënaqur historianët

Aktori Tom Hanks luan në një film të ri bazuar në librin e
shumëshitur Kodi i Da Vinçit.  Dhe nëse nuk e keni lexuar Kodi i Da
Vinçit, do t’ju njoh me librin dhe disa ide të çuditshme që mund të
mos i keni dëgjuar më parë si psh:
•        Jezusi ishte martuar me Maria Magdalenën!
•        Ata patën fëmijë që u martuan me fëmijë me prejardhje
mbretërore franceze!
•        Dhe e gjithë kjo ka qenë e njohur për shekuj me radhë, por e
vërteta u është mbajtur e fshehtë njerëzve nga frika e shkatërrimit
të pushtetit të kishës!

Këto pohime janë jashtëzakonisht ofenduese për të krishterët. Ato
sulmojnë atë që është më e çmuar për besimtarët e Jezus Krishtit,
sepse ato sulmojnë vetë Jezus Krishtin.

Nëse libri do të prezantohej thjesht si një roman, ndofta do të ishte
një lexim interesant për njerëzit që pëlqejnë tregime me komplote.
Ajo që e bën librin shqetësues është fakti që ai pretendon se
bazohet në fakte.

“ Thashethemet janë pëshpëritur për shekuj me radhë” thotë
autori Dan Brown në Kodi i Da Vinçit. Dhe na thuhet se disa nga
dëshmitë më tronditëse shfaqen në pikturat e Leonardo Da Vinçit,
që është edhe titulli i librit.

Lexuesit duhet të dinë se teoria kryesore i këtij libri mund të
gjendet në libra siç është Holy Blood, Holy Grail (Gjak i shenjtë,
kupë e shenjtë) i Michael Baigent (1983), të cilit i referohet edhe
autori Dan Brown në romanin e tij.

Përfundimi i kësaj teorie është se Krishterimi është bazuar në një
gënjeshtër të madhe ose më mirë të themi në disa gënjeshtra. Do
të thotë se të gjithë 12 dishepujt e Krishtit ishin gënjeshtarë të cilët
qëllimisht kishin nisur një fe të rreme. Jo vetëm kaq, por ata e
dhanë jetën e tyre duke predikuar gjëra që i dinin se nuk ishin të
vërteta.

Shumë njerëz mendojnë se libri Kodi i Da Vinçit mund të jetë i
besueshëm; ashtu siç shtroi pyetjen një komentues: “Përse nuk
mund të besojmë se kjo gjë mund të ketë ndodhur?”

Mund të mbushim shumë faqe me dëshmitë e historianëve të
respektuar për të treguar që Kodi i Da Vinçit është një libër jo
shumë i besueshëm nga ana historike, por më duket më me vlerë
t’i refërohem fjalës së Palit, apostullit, i cili tha: “nëse njerëzit nuk
duan të besojnë të vërtetën, atëherë ata do të besojnë një
gënjeshtër”.

Prandaj, nëse dëshiron të besosh që Dan Brown-i po thotë të
vërtetën lidhur me Jezus Krishtin dhe se shën Pali, shën Pjetri,
shën Gjoni, dhe gjithë apostujt e shenjtë kanë mashtruar, atëherë
më duket se nuk ja vlen të harxhoj më kohë me këtë temë prej
budallai.
Kush është Jezus Krishti?
Së shpejti në
ekranin tuaj